Pragtige storie uit Burgersdorp

Ons reis na Burgersdorp vir sport. Dis koud, -9 se koud. Die veld is hard en die wind is skraal. Eugene Marais het so gedig geskryf, maar ek kan nie die woorde onthou nie, want dis te koud om te dink. Die 1ste netbalspan verloor 20-21, en die meisies se arms en bene is pienk en hulle neusies loop van die koue.
Die 1ste hokkiespan speel met hulle sweetpakke aan, en wen 3-0. Die 1ste rugbyspan se wedstryd begin, en dit gaan sleg vir die besoekers. Burgersdorp se agtsteman is telkens aan die voorpunt van die vyand se aanslag. Die knaap is ‘n stoomroller, ‘n lokomotief, ‘n buffel, die reinkarnasie van Os (toe Os kwaad was vir George Gregan, nie toe Os met aartappels geboer het nie). Mammaplotter se blue-eyed boytjie en die stoomroller is telkens heel onder in die hopie lywe en tokse. Mammaplotter se oogappeltjie en die lokomotief tref mekaar keer op keer met ‘n geluid wat klink soos die dag toe die prefek van die blinde skool in die lee swembad geduik het. Mammaplotter se nerwes hang aan ‘n flentertjie, en sy wil weet waar sy die spelers se geboortesertifikate kan besigtig. Pappaplotter loer benoud of die mediese fonds se kaart saam gereis het, en hy google of Burgersdorp ‘n privaat hospitaal het.

Die wedstryd eindig, en dit is ‘n groot oorwinning in die guns van die buffel en sy spanmaats. Na die wedstryd sien ek hoe die stoomroller die oogappeltjie uitsoek in die geroesmoes. As dit ‘n ander sport was sou hy seker die arme boytjie getart het of gekoggel het. Maar dis rugby. Twee tieners wat mekaar nog nooit ontmoet het nie, wat ‘n uur lank probeer het om mekaar fisiese leed te besorg, skud blad. Die oorwinnaar vertel vir die verloorder dat hy nie moet sleg voel nie, dat hy ‘n goeie game gehad het en tot die einde hard baklei het. ‘n Sot van die tuisskool word nader geroep om ‘n foto te neem met die oorwinnaar se smartphone om die vriendskap en respek vas te vang. Nommers word uitgeruil en die foto arriveer later die aand per Whatsapp op Komani (voorheen Queenstown) se koue plotte.

O koud is die windjie
en skraal.
En blink in die dof-lig
en kaal,
so wyd as die Heer se genade,
le die velde in sterlig en skade
En hoog in die rande,
versprei in die brande,
is die grassaad aan roere
soos winkende hande.

O treurig die wysie
op die ooswind se maat,
soos die lied van ‘n meisie
in haar liefde verlaat.
In elk’ grashalm se vou
blink ‘n druppel van dou,
en vinnig verbleek dit
tot ryp in die kou.

Winternag
Eugene Marais

 — with Samuel Fryer.

- Advertisement -
Previous articleRaising of Garden Route Dam spillway on track for completion
Next articleJohan se storie
20 years ago Herman and his wife Carina, with their 2 daughters moved to George in the beautiful Garden Route region of South Africa. He has a passion for the people of the region and is involved in many humanitarian projects. He is co-owner of the popular Facebook group called Georgiete Staan Saam with a membership of 71 000. He is a connector and an activist for unity and works tirelessly to help all communities in George and the Garden Route to realise that the answer for the political, business and socio-economical problems of the area is to stand together, plan together and working together at a common sustainable goal of alleviating poverty. Herman is the CEO of the Love Garden Route NPC and is one of the founders of the Love George movement. He is the owner and founder of the LoveGeorge News platform and the online radio stations RadioCSA. For 30 years Herman specializes in web development and web design and through his business also offer web-hosting, email-hosting and domain-hosting. As a Pastor he has presented over 40 men's and women's camps where the main focus is to assist and guide Christians in discovering their true calling and then activate them into their true Prophetic and Apostolic calling.